Të gjithë filmonin, heroi futet mes flakëve dhe i shpëton jetën shoferit (Video-Foto)

Një rast frymëzues vjen nga SHBA, ku një ngjarje e rëndë mbyllet me fund të lumtur. Një person nxori nga dritarja shoferin e një kamioni që kishte marrë flakë, duke i shpëtuar jetën, ndërsa 20 persona të tjerë po filmonin ngjarjen nëpërmjet telefonave të tyre.

Jim Angulo ishte duke shkuar për të punuar në Miami kur pa makinën që po digjej.

‘Shikova nga e majta, dhe shikova nga e djathta, dhe pashë 20 persona me celularët e tyre që nuk bënin asgjë, dhe unë thashë: “Po shkoj unë”, shkruan Daily Mail.

Angulo dhe një burrë tjetër shkuan me guxim drejt zjarrit dhe tërhoqën shoferin nga dritarja e makinës.

”Këmba e tij ishte djegur e gjitha”. U shpreh Angulo për WSVN. ”Duart e tij ishin djegur.” Por ai mohoi të ishte hero, duke thënë: ”Nëse unë do të isha në të njëjtën situatë, shpresoj se dikush do të bënte të njëjtën gjë për mua.”