Prej disa kohësh i arratisur nga policia/ Në ditën e të dashuruarve, shfaqet bashkëshorti i Angela Martinit

Prej disa kohësh Angela Martini nuk është parë në shoqërinë e bashkëshortit të saj, biznesmenit rumun, Dragos Savulescu.

Ky i fundit ka probleme me drejtësinë dhe për këtë arsye nuk ishin shfaqur bashkë, por modelja e njohur ka treguar publikisht se do t’i qëndrojë gjithmonë pranë.

Madje më 10 shkurt, mediat e shtetit rumun raportuan sërish për urdhër arrestin ndërkombëtar të lëshuar për Saluvescun për të vuajtur dënimin prej 5-vitesh për një skemë të tjetërsimit të pronave në bregdet.

Por për ditën e të dashuruarve, Angela dhe bashkëshorti i saj kanë qenë bashkë. Modelja ka publikuar në “Instastory” një video ku shfaqen dy duart e dyshes, në një skenë tepër romantike.

Të dy plotësojnë dy pjesët e zemrës të tatuazhit që e bënë në prill të vitit 2016. Në një postim tjetër Angela është shfaqur nga Milano të Italisë vetëm. Të jetë me bashkëshortin në Itali? Ajo nuk ka konfirmuar asgjë pasi me siguri i druhet ekspozimit të tij.

©Copyright Gazeta SHQIP


Për t'u bërë pjesë e grupit mjafton të klikoni: Join Group dhe kërkesa do t'ju aprovohet.
Komuniteti Gazeta Shqip: https://www.facebook.com/groups/gazetashqip/





LEXO MË TEJ:


Më të lexuarat

Comments are closed, but trackbacks and pingbacks are open.