Dritë jeshile për negociatat? Macron: Nëse del pozitiv raporti i marsit, do…

Presidenti francez Emmanuel Macron deklaroi nga Mynihu, ku po merr pjesë në punimet e konferencës së sigurisë, se nëse rezultatet e raportit të Komisionit Europian në mars për Maqedoninë e Veriut dhe Shqipërinë do të jenë pozitive, atëherë ai do të mbështesë hapjen e negociatave për të dy këto vende që aspirojnë të bëhen pjesë e bllokut europian.

“Ne jemi duke pritur për raportin në mars … nëse rezultatet janë pozitive dhe nëse vendoset besimi, atëherë ne duhet të jemi në gjendje të çelim bisedimet,” deklaroi shefi I Elizesë. Ishte pikërisht presidenti francez ai që bllokoi me veton e tij përpjekjen e Shqipërisë dhe Maqedonisë së Veriut për të marrë dritën jeshile të negociatave të anëtarësimit tetorin e vitit të kaluar, me pretendimin të bëhej “një shqyrtim i kujdesshëm të zbatimit të ligjit” në dy vendet.

Pas këmbënguljes së Francës, Komisioni Europian paraqiti dhe propozimin e vet për reformën e procesit të zgjerimit të BE, e cila mori edhe mbështetjen e deputetëve të Parlamentit Europian. Parisi insistonte që para çeljes së negociatave me Shqipërinë dhe Maqedoninë e Veriut të kryhet njëherë reforma e procesit nga vetë BE.

Negociatat do duhet të fillohen tek të gjashtë tematikat. Me këtë Komisioni Europian shpreson që të ketë sukses çelja e negociatave me Shqipërinë e Maqedoninë e Veriut në samitin e BE në Maj në Zagreb. KE i dha Shqipërisë statusin e vendit kandidat për anëtarësim në vitin 2014, pesë vjet pas aplikimit  të saj për të qenë vend anëtar i BE.

©Copyright Gazeta SHQIP


Për t'u bërë pjesë e grupit mjafton të klikoni: Join Group dhe kërkesa do t'ju aprovohet.
Komuniteti Gazeta Shqip: https://www.facebook.com/groups/gazetashqip/





LEXO MË TEJ:


Më të lexuarat

Comments are closed, but trackbacks and pingbacks are open.