Çfarë po ndodh në Gjermani? Takim i ashpër mes Albin Kurtit dhe Vuçiç (Foto)

Pas takimit të mbajtur për Ballkanin Perëndimor, ku po merrte pjesë edhe Albin Kurti, presidenti serb, Aleksandar Vuçiç, i është drejtuar mediave, duke thënë se ka qenë një takim i ashpër, por që sipas tij, ai ka mbrojtur popullin serb.

Në orët e para të pasdites në Munih të Gjermanisë prapa dyerve të mbyllura është mbajtur takimi për Ballkanin Perëndimor, ku ka marrë pjesë presidenti serb dhe kryeministri i Kosovës

Takimi është mbajtur sipas rregullave të “Chetnam House”, që do të thotë se pjesëmarrësit nuk mund të shprehin ato që është thënë brenda, por sipas mediave serbe, Vuçiç ka thënë se ishte një “takim i ashpër”.

“Kam luftuar për interesa të Serbisë dhe kam mbrojtur popullin serb, kjo është puna ime”, ka thënë Vuçiç.

Edhe pse sipas tij është mirë që ky takim është mbajtur, ai tha se do të ketë shumë probleme me të cilat do të ballafaqohet. Gjithashtu pretendon se disa zyrtarë nga Prishtina, sipas tij janë të papërgjegjshëm.

Ai ka komentuar edhe deklaratën e presidentit të Kosovës, Hashim Thaçi, se pret të arrihet një marrëveshje përfundimtare me Beogradin gjatë këtij viti, ku tha se disa në Prishtinë thirren në SHBA, derisa tjerët në Gjermaninë.

©Copyright Gazeta SHQIP


Për t'u bërë pjesë e grupit mjafton të klikoni: Join Group dhe kërkesa do t'ju aprovohet.
Komuniteti Gazeta Shqip: https://www.facebook.com/groups/gazetashqip/





LEXO MË TEJ:


Më të lexuarat

Comments are closed, but trackbacks and pingbacks are open.