Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Në Fokus

Ambasada Amerikane paralajmëron Ahmetajn: Mos vidh fondet e tërmetit!

E Premte 14 Shkurt 2020, 18:20 Gazeta Shqip

Arben Ahmetaj, një prej ministrave më të akuzuar për korrupsion dhe shpenzime luksi, është takuar sot me ambasadoren e SHBA, Yuri Kim.

Përmes një deklarate, ambasada ka dhënë detaje nga takimi, ku nënvizohet se i ka kërkuar Ahmetajt, transparencë të plotë për fondet e rindërtimit dhe përdorim efikas të tyre.

"Ambasadorja Kim u takua me Ministrin për Rindërtimin Arben Ahmetaj më 13 shkurt. Ata diskutuan rëndësinë e përdorimit me efikasitet të burimeve në ndihmë të atyre që u prekën nga tërmeti tragiik i nëntorit. Ambasadorja nënvizoi përgjegjësinë e qeverisë për të siguruar transparencë dhe llogaridhënie për fondet e përdorura për rindërtim. "- shkruan Ambasada e SHBA.

Deklarata e ambasadorës është e fortë. Nëse do ta përkthenim me një gjuhë të thjeshtë, jo diplomatike, ambasadorja i bën thirrjes ministrit të mos vidhen fondet e tërmetit.

Akuzat për korrupsion, shkarkimi si ministër dhe rikthimi në kabinet

Arben Ahmetaj, i cili mbajti për pesë vite ?çelsat? e buxhetit dhe financave, u shkarkua në fund të vitit 2018. Ish-ministri, i akuzuar nga opozita për një sërë skandalesh, u rikthye më pas si Kryetar i Komisionit të Ekonomisë. Shkeljet më të mëdha të Ahmetajt lidhen me koncesionet miliona euroshe. KLSH e ka ngarkuar me përgjegjësi për miratimin abuziv të koncesioneve Milot-Balldren dhe Orikum Dukat.

Pas tërmetit të 26 nëntorit, ish-ministri ia mbathi nga Shqipëria, për t?u rikthyer menjëherë pas prezantimit të fushatës për mbledhjen e fondeve. Ahmetaj, i njohur për dorën e zgjatur tek Financat, nuhati edhe milionat që po mblidheshin në kuadër të projektit të Rindërtimit pas tërmetit.

Pas lëvizjeve të "nëndheshme", Ahmetaj arriti që të emërohet ministër "për menaxhimin e milionave". Në këtë post, përveç mbështetjes së Ramës, Ahmetaj mori direkt edhe "bekimin" e presidentit, pavarësisht se opozita ishte kundër emrit të tij.

Emërimi i tij në krye të ministrisë së re u komentua gjërësisht si "varje e mëlçive të qengjit në qafë të ujkut".

Ahmetaj, pavarësisht se u shkarkua si Ministër Financash, ai sërish ka kontroll në këtë dikaster. Ahmetaj kontrollon Drejtorinë e Parandalimit të Pastrimit të Parave (DPPP), të cilën e ka si mburoje për paratë e veta, por nga ana tjetër e përdor edhe kundër kompanive private.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore