Albin Kurti ngre alarmin: U firmosën dy marrëveshje me Serbinë pa autorizimin tim

Kryeministri i Kosovës pas Konferecës së Sigurisë në Mynih ka bërë të ditur se janë firmosur dy marrëveshje me Serbinë për hekurudhën dhe autostradën pa autorizimin e tij.

Ai bën me dije se dy zyrtarët që ishin autorizuar nga ish- ministri Pal Lekaj firmosën marrëveshjet dhe nuk negociuan fare me qeverinë e re.
Kurti thotë se as teksti zyrtar i marrëveshjeve nuk është bërë i ditur për publikun por vetëm drafte jo zyrtare.

Kryeministri kosovar merr shembullin e hekurudhës së Merdarës ku thotë se ajo e Leshakut ëshë më me prioritet dhe se duhet një analizë e thellë për të gjitha hapat që kanë marrë ministritë e Haradinajt në të shkuarën.

Në fakt sot në Mynih Kosova dhe Serbia nënshkruan dy marrëveshjet për hekurudhën dhe autostradën, në prani të Presidentit Hashim Thaçi, homologut të tij Aleksandar Vuçiç, si dhe të dërguarit të posaçëm të SHBA për dialogu, ambasadorit Grenell.

”Sot në Munich janë nënshkruar dy marrëveshje nga zyrtarë të autorizuar nga ish ministri Pal Lekaj dhe i gjithë procesi i negocimit është bërë para fillimit të Qeverisë sonë. Së këndejmi, këta zyrtarë nuk kanë marrë autorizim nga Qeveria e re as për të negociuar e as për të nënshkruar marrëveshje. Për më tepër as teksti i marrëveshjes nuk është bërë i njohur për publikun e për Qeverinë. Kanë qarkulluar drafte të ndryshme jozyrtare.

Sado që të gjitha lidhjet dhe avancimi i standardeve të infrastrukturës janë të domosdoshme për zhvillim të vendeve tona dhe pjesë e vizionit Evropian për bashkëpunim rajonal dhe marrdhënie të fqinjësisë së mirë, megjithatë është shumë me rëndësi që procesi të jetë transparent, rezultat i një negocimi të mirëfilltë dhe në respektim të plotë të sovranitetit dhe ligjeve të vendit, prioriteteve ekonomike dhe në harmoni me obligimet që dalin nga procesi i MSA-së.

Për më tepër, nëse bazohemi te një verzion i marrëveshjes, po qe se analizohet për nga rëndësia ekonomike, hekurudha për në Leshak është më me prioritet dhe më e levërdishme sesa ajo për Merdare.

Në procesin e tranzicionit të qeverisjes, ne jemi duke analizuar të gjithë hapat që janë marrë në të kaluarën dhe ministritë përkatëse janë të angazhuara që këtë ta trajtojnë me prioritet.”- shkruan Kurti.

©Copyright Gazeta SHQIP


Për t'u bërë pjesë e grupit mjafton të klikoni: Join Group dhe kërkesa do t'ju aprovohet.
Komuniteti Gazeta Shqip: https://www.facebook.com/groups/gazetashqip/





LEXO MË TEJ:


Më të lexuarat

Comments are closed, but trackbacks and pingbacks are open.