Ja pse Kobe Bryant kishte bërë “pakt” me të shoqen që të mos udhëtonin kurrë bashkë me helikopter

Legjenda e basketbollit Kobe Bryant kishte bërë një pakt të fshehtë e disi të pazakontë me të shoqen: të dy ata ishin betuar të mos udhëtonin kurrë bashke me helikopter, mjeti të cilin basketbollisti e preferonte mjaft për të lëvizur me qëllimin e të shmangte trafikun e rënduar rrugor.

Arsyen e kesaj ujdie e zbardhin mediat e huaja, sipas të cilave ishte Bryant që kishte këmbëngulur për këtë fakt. Ai mendonte që në rast fatkeqësie, katër vajzat e ciftit të kishin të paktën njërin nga prindërit, e të mos mbeteshin jetime.

Bryant ishte shumë krenar për familjen e tij, por sidomos të bijat. Në muajin nëntor, ylli i basketbollit kishte dhënë një intervistë ku shprehej se fëmijët ishin arritja e tij më e madhe në jetë.

“Kam kaluar kaq shumë, por besoj se ndjenja më e thellë është dashuria e pakushtëzuar, e papërmbajtur që ke për fëmijët. Jam bekuar katër herë me këtë ndjesi dhe është gjëja më e fuqishme në botë”, pat thënë ai.

Fatkeqësisht, Bryant u shua së bashku me bijën 13 vjecare Gianna në një aksident ajror të djelën, ku u përfshi pikërisht helikopteri me të cilin udhëtonin.

©Copyright Gazeta SHQIP


Për t'u bërë pjesë e grupit mjafton të klikoni: Join Group dhe kërkesa do t'ju aprovohet.
Komuniteti Gazeta Shqip: https://www.facebook.com/groups/gazetashqip/





LEXO MË TEJ:


Më të lexuarat

Comments are closed.