Tërmeti në Turqi/ Shkon në 15 numri i viktimave, mbi 300 të plagosur

Turqia po kalon momentet e saj më të vështira mbrëmjen e sotme, pasi u godit nga një tërmet i fuqishëm me magnitudë 6.8 i shkallës rihter. Epiqendra ishte qyteti Elazig, që ndodhet në pjesën lindore të Turqisë. Ndërkohë, sipas mediave turke është thelluar bilanci tragjik, pasi numri i të vdekurve ka shkuar në 15, ndërsa raportohet për 300 të plagosur.

Ndërkohë qytetarët janë njoftuar që të lënë banesat e tyre, nëse kanë pasur dëme dhe të qëndrojnë në vende të hapura. Raportohet për të paktën 1 mijë banesa të dëmtuara. Mes panikut dhe ankthit, ata qëndrojnë në rrugë, nën temperatura që shkojnë nën zero.

Puna më e vështirë është ajo e forcave të kërkim-shpëtimit, të cilët po gërmojnë me duar nën gërmadha, ndërsa temperaturat që shkojnë deri në -6 gradë celsius vështirësojnë punën e tyre.

©Copyright Gazeta SHQIP


Për t'u bërë pjesë e grupit mjafton të klikoni: Join Group dhe kërkesa do t'ju aprovohet.
Komuniteti Gazeta Shqip: https://www.facebook.com/groups/gazetashqip/





LEXO MË TEJ:


Më të lexuarat

Comments are closed.