Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kryesoret

"Profesionist i shkëlqyer", Messi del kundër vendimit të Barcelonës?

Prej mbrëmjes së djeshme, Ernesto Valverde nuk është më një trajner i Barcelonës.

Kryesuesit aktual të La Liga vendosen shkarkimin dhe në vendin e tij Quique Setién. Ish tekniku i Real Betis firmosi për 2 sezone e gjysmë, e thënë ndryshe deri në qershorin e vitit 2022. Largimi i Valverde është përshëndetur nga shumë tifozë. Por një lëvizje e tillë duket se nuk është kapërdirë mirë nga ylli i skuadrës, Lionel Messi.

Përmes një statusi në rrjetet sociale, "pleshti" argjentinas ka falenderuar Valverde për atë që ka dhënë në "Camp Nou", ndërsa i ka uruar suksese në karrierë.

"Faleminderit për gjithçka Ernesto Valverde. Me siguri do të jeni mirë kudo që të shkoni, sepse përveçse që jeni profesionist i shkëlqyeshëm, jeni edhe një person i shkëlqyeshëm. Paç fat dhe një përqafim i madh," shkruan Messi.

Një status i çuditshëm ky nga ana e 6 herë fituesit të Topit të Artë, që pritet të ketë përplasje me drejtuesit e Barcelonës, pasi siç ka ndodhur në kohët e fundit, vendimet kryesore të kryesisë janë marrë pas miratimit të Messit.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore