New York Times publikon pamjet e raketa iraniane që goditën avionin ukrainas me 176 persona (VIDEO)

New York Times publikon pamjet ekskluzive të momentit kur dy raketat iraniane godasin avionin ukrainas me 176 persona në bord më 8 janar.

Në to shihen se si dy raketat në distancë 30 sekonda nga njëra tjetra godasin avionin në Teheran. Sipas saj të dyja raketat janë hedhur nga një bazë iraniane 12 kilometra larg avionit.

Ndërkohë po ashtu ditën e sotme në Iran është arrestuar dhe personi që filmoi videot e goditjes së raketave, të cilat më pas u publikuan në të gjitha mediat e ndryshme botërore.

Kujtojmë që 3 ditë më parë ushtria iraniane pranoi se kishte rrëzuar “jo qëllimisht” avionin ukrainas. Sipas agjencisë së lajmeve iraniane, “Fars” ka qenë pikërisht lideri suprem Ali Khamenei që dha urdhër për të treguar dhe për të bërë publike të vertetën në lidhje më avionin e rrëzuar.