“Gramoz, mohoje që e ke krushk Bashën”/ Kujtim Gjuzi sulmon Ruçin: Nuk të fusim në burg se…

Në seancën e sotme plenare, deputeti Kujtim Gjuzi ka ftuar kryeministrin Edi Rama që të shkojë në sallën e Kuvendit dhe të flasë për premtimet e tij për investimet publike.

“Ligji për investimet nuk po shohim asgjë, themi do bëjmë aeroportin në Kukës, ku është zoti kryeministër? Nuk është në sallë po e ndjek ai e ndjek. Themi do bëjmë aerodrom, ku është se nuk po shohim gjë? Do dëgjojë se s’bën ai. A ka më kohë kryeministri t’i bëjë këto?”

Teksa iu drejtua shqiptarëve nga foltorja e Kuvendit Gjuzi tha se edhe deputetet që janë në Parlament e duan Ramën si kryeministër, sepse në të kundërt do e kishin rrezuar. Më tej, në fjalën e tij Gjuzi tha se PS-në e ka mbajtur prej 30 vitesh në këmbë LSI-ja.

“Meta ju ka mbajt këtu 30 vite po mos ishin ata të dy, Meta dhe Monika dibrania jone, PS s’do ishte shumicë sot këtu. I keni votat për ta shkarkuar presidentin apo nuk doni?

Kryetar i Kuvendit, je nip i Ali Pashë Tepelenës s’mund ta nisim me një orë vonesë, a ka më njeri me të gjuajtur me bojë? Kanë ardhur njerëz të kulturuar sot këtu.

Ralf të lutem, kam konsideratën më të lartë për mbiemrin tënd, ne duhet të vendosim e vendosëm këtu parametra, qoftë baca që është Sali Berisha, qoftë Basha që është dhëndri i kryetarit të Kuvendit, doni s’doni, le ta konfirmojë që s’është kështu.

Thuaj që se kam krushk Lulzim Bashën, jemi për t’i thënë shqiptarëve që ne do bashkëpunojmë të gjithë bashkë e s’mund të na thotë njeri tradhtar.

Ç’rëndësi ka me fut Rucin në burg tani 70 vjeç sa është, po pse ta burgosim?” deklaroi Gjuzi.

©Copyright Gazeta SHQIP

Për t'u bërë pjesë e grupit mjafton të klikoni: Join Group dhe kërkesa do t'ju aprovohet.
Komuniteti Gazeta Shqip: https://www.facebook.com/groups/gazetashqip/





LEXO MË TEJ:


Më të lexuarat

Comments are closed.