Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kryesoret

Dokumentet sekrete nxjerrin “të palarat" në Afganistan/ Si dështuan Bushi, Obama dhe Donald Trump

Një tufë dokumentesh të publikuara këtë javë kanë nxjerrë në pah mungesën e koherencës në qasjen që ka pasur që në fillim Washingtoni në Afganistan. Të ashtëquajturat "Afghanistan Papers" , përmbledhin dëshmi të cilat japin tablonë e një lufte të shënjuar nga dështimi, thotë the Guardian, një kontrast i thellë ky me historinë e triumfit që tregojnë zyrtarë amerikanë e britanikë.

Qindra intervista, të realizuara me gjeneralë të lartë dhe qeveritarë afganë, me ambasadorë, zyrtarë të ndihmës e këshilltarë politikë- tregojnë sesi presidentët njëri pas tjetrit, nga Bushi tek Obama e Donald Trump, nuk arritën gjë tjetër veçse krijimin e një shteti të dhunshëm, të korruptuar dhe jofunksional, që mezi u mbështet nga armët e SHBA-së.

Ato nxjerrin gjithashtu në pah sesi Bashkimi Sovjetik në fillim, e më pas SHBA me aleatët e saj, ?ngecën? keq në Afganistan prej një kombinimi të vetëbesimit të tepruar dhe injorancës, ndërsa lidershipi amerikan, si me Bushin ashtu dhe Obamën, shqetësohej më shumë për politikën e brendshme sesa për ndikimin e vendimeve të tij në Afganistan. Richard Boucher, ndihmës sekretar i shtetit për çështjet e Jugut dhe të Azisë Qendrore në periudhën e viteve 2006 dhe 2009, thotë se kontradiktat që rrethuan qëllimin e tij, e bënë këtë një mision të bazuar në pamundësi.

"Nëse mendojmë se strategjia jonë e daljes është ose të mposhtim talebanët - gjë që nuk mund të bëhet duke marrë parasysh rrethanat lokale, rajonale dhe ndërkufitare - ose të krijojmë një qeveri afgane e cila të jetë e aftë të sigurojë një qeverisje të mirë për qytetarët e saj duke përdorur mjetet dhe metodat amerikane, atëherë mund ta them se nuk kemi një strategji daljeje sepse të dyja këto janë të pamundura?, është pohimi I tij. Përmbledhja që Boucher I bën me pak fjalë situatës ndërkohë, është edhe më tronditëse: "Ne nuk dinim se çfarë bënim", është shprehur ish zyrtari I lartë.

[gallery bgs_gallery_type="slider" ids="940744,940745,940746,940748"]

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore