Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kryesoret

Fotoreporteri turk plagoset në Francë, Turqia: Atje po ndodh terror shtetëror

Turqia ka reaguar ashpër pas plagosjes së Muhabiri Yalç?n, fotoreporter i Anadolu Agency (AA), i cili po ndiqte nga afër protestat që po zhvillohen në Francë.

Kryetari i Kuvendit të Madh Popullor të Turqisë, Mustafa ?entop, duke folur për plagosjen e Yalç?n, tha se ndërhyrja e forcave franceze të rendit ka kaluar dimensionin e dhunës dhe po avancon drejt një terrori shtetëror. Ai rikujtoi se fotoreporteri i AA-së është plagosur nga policia franceze gjatë ndjekjes së protestave në Paris.

?entop, njoftoi se fotoreporteri Yalç?n është plagosur pasi një bombë plastike ka depërtuar helmetën e tij.

"Fotoreporteri i AA-së i akredituar në Francë gjendej për të ndjekur protestat demokratike. Por, informimi i botës për qëndrimin çnjerëzor të policisë franceze ndaj protestuesve duhet të ketë bezdisur policinë franceze. Intervenimi i policisë në Francë ndaj protestuesve tashmë ka kaluar dimensionin e dhunës, duke avancuar drejt terrorit shtetëror", tha ?entop.

Ai theksoi se me këtë mund të shohin qëndrimin dyfytyrësh të vendeve perëndimore.

Yalç?n, u plagos në syrin e majtë më 5 dhjetor nga një bombë plastike e hedhur nga policia franceze derisa ai ndiqte protestat kundër politikave të pensioneve në Francë.

Parisi dhe qytete të tjera janë bllokuar nga protestat e shumta që kundërshtojnë planet e presidentit Emmanuel Macron për reformën e pensioneve.

Sindikatat e Francës pretendojnë se reformat do të detyrojnë shumë njerëz të punojnë më gjatë për një pagesë më të vogël në pension.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore