Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kryesoret

Rusia përjashtohet për 4 vite nga eventet sportive

Nuk kanë të sosur telashet për sportin rus. Agjencia Botërore Antidoping, WADA mori masa të tjera ndëshkuese teksa e dënoi këtë vend me mospjesëmarrje në evenimente të ndryshme sportive për 4 vjet të tjerë.

Këtë vendim ky institucion e mori në mënyrë unanime në mbledhjen e zhvilluar në Lozanë të Zvicrës. Arsyeja që WADA dënoi Rusinë me pezullim 4 vjecar nga të gjitha evenimentet sportive ishte dorëzimi te hetuesit i të dhënave të manipuluara nga laboratori antidoping në Moskë.

Kjo do të thotë se flamuri dhe himni i këtij vendi nuk do të lejohen në ngjarje të rëndësishme si Lojërat Olimpike të Tokios të vitit të ardhshëm dhe në Botërorin e vitit 2022.

Gjithsesi për sportistët rusë që nuk janë të përfshirë në skandalin e dopingut dhe që kanë rezultuar të pastër në testet antidoping, ekziston mundësia e pjesëmarrjes në evenimentet më të rëndësishme sportive, por këtë do ta bëjnë nën flamur neutral.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore