“Jam shumë e prekur”, modelja shqiptare shikon nga afër dëmet e tërmetit në Durrës (FOTO)

Modelja e njohur shqiptare, Angela Martini, ka shkuar në Durrës për të parë nga afër dëmet e tmerrshme që la pas tërmeti. Ajo ka vizituar nga afër banesat që tashmë janë kthyer të pabanueshme.

“Unë kam qenë shumë e prekur kur e kam marrë vesh për ngjarjen. Si e kam shkruar në Instagram, është e vërtetë kur s’je në vendin tënd është më keq se është gjaku yt, vendi yt.

Unë kam bërë kontributin tim, por duhet të bëj edhe më shumë. Gjëja që dua të them është se unë besoj te kryeministri ynë shqiptar dhe unë jam e sigurt se do të bëjë të pamundurën për të rindërtuar vendin dhe cdo gjë do të jetë transparente”, tha modelja Angela Martini.

Ndërkohë kujtojmë se modelja e njohur dhuroi 30 mijë euro për të prekurit nga tërmeti, dhe u shpreh se po e tregonte shumën në mënyrë që të ftonte edhe të tjerët të solidarizoheshin me situatën e Shqipërisë.

“Tragjeditë qenkan më të dhimbshme kur flasin gjuhën tënde…dhe e vetmja gjë për të cilën lutem këto ditë është Dashuri, Shpresë dhe Dritë për vendin tim. 🙏

Ndoshta shumë gjëra koha do të na ndihmojë t’i harrojmë, por e sigurt që nuk do të harrojmë këtë forcë dhe solidaritet që kemi treguar ne si komb dhe të gjithë miqtë tanë për ne në këto ditë dhimbje.💪🤝😇

Prandaj nëse nuk e ke bërë ende, solidarizohu dhe ti – ndihmo dike të mos jetë vetëm, duke dhuruar në platformën https://e-albania.al/donate#Dashuri, #Shprese, #Dritë ❤”, shkruante ajo në postimin e saj.

©Copyright Gazeta SHQIP

Për t'u bërë pjesë e grupit mjafton të klikoni: Join Group dhe kërkesa do t'ju aprovohet.
Komuniteti Gazeta Shqip: https://www.facebook.com/groups/gazetashqip/





LEXO MË TEJ:


Më të lexuarat

Comments are closed.