Zgjedhja e Kryeprokurorit, Ambasadori i BE ka një mesazh për Kuvendin dhe Presidentin

Ambasadori i Bashkimit Evropian, Luigi Soreca ka përshëndetur zgjedhjen e Olsian Çelës si kryeprokurori i ri i vendit. “Ne e mirëpresim zgjedhjen nga Parlamenti të zotit Olsian Çela si Prokuror i Përgjithshëm, dhe zgjedhjen me short të anëtarëve të Këshillit të Emërimeve në Drejtësi’ – tha Soreca.

Në një status në rrjetet sociale, Soreca shkruan se “zbatimi i Reformës në Drejtësi vazhdon dhe mbetet një përparësi kryesore për rrugën e saj të integrimit”.

Kuvendi i Shqipërisë e zgjodhi kryeprokurorin e ri përmes një votimi të fshehtë. “Pro” kandidatures së Olsian Çelës si kryeprokuror për shtatë vitet e ardhshme votuan 101 deputertë dhe vetë 10 kundër. Ai do të zëvendësojë në këtë detyrë Arta Markun.

Për këtë të fundit, Kuvendi votoi me 11 vota “pro”, 22 kundër dhe 78 abstenim, e ndërsa për Fatjona Memçaj 8 kanë qenë pro, 16 kundër dhe 87 abstenim.