“Lëre djalin tim rehat”, Melania Trump i mbyll gojën dhe e bën eksperten ligjore të kërkojë falje (FOTO)

Zonja e Parë e Shteteve të Bashkuara të Amerikës, Melania Trump, ka vendosur që t’i mbyllë gojë një eksperte juridike, e cila përmendi djalin e mitur të saj, Barron Trump.

Gjatë dëshmisë në procesin kundër presidentit amerikan, profesoresha e ligjit në Stanford, Pamela Karlan ndërsa mundohej ta krahasonte Donald Trump me një monark, tha: “presidenti mund ta quajë djalin e tij Barron, por jo ta bëjë atë një baron”.

E pikërisht për këtë ka reaguar edhe Zonja e Parë, e cila zakonisht nuk komenton deklarata politike. Melania Trump i kërkoi ekspertes ligjore përmes një postimi në “Twitter” që ta lërë djalin e saj të qetë.

“Një fëmijë i mitur meriton privatësi dhe duhet të mbahet jashtë politikës. Pamela Karlan, ju duhet t’ju vijë turp për komentin tuaj publik duke përdorur një fëmijë”, tha bashkëshortja e Donald Trump.

Menjëherë pas fjalëve të Zonjës së Parë, Pamela Karlan u detyrua që të kërkonte falje për komentin që kishte bërë.

©Copyright Gazeta SHQIP

Për t'u bërë pjesë e grupit mjafton të klikoni: Join Group dhe kërkesa do t'ju aprovohet.
Komuniteti Gazeta Shqip: https://www.facebook.com/groups/gazetashqip/





LEXO MË TEJ:


Më të lexuarat

Comments are closed.