E pabesueshme/ Italiani shpallet kampion bote për kujtesën në Kinë, mban mend radhën e 1829 letrave të bixhozit

Kampioni i ri i botës për kujtesën është shpallur një 20-vjeçar Italian. Andrea Muzii nga Roma ia ka dalë të sfidojë 170 “atletë të tjerë të mendjes”, duke u renditur i pari në Kampionatin Botëror të Kujtesës që u zhvillua në Kinë.

Andrea mori 8170 pikë, dhe tashmë, rreshtoi 5 rekorde botërore ndërsa ka qenë edhe fitues i Kampionatit Europian në vitin 2019. Dy rivalët e tij më të fortë në këtë garë ishin nga Mongolia, por italiani triumfoi pasi arriti të mbante mend radhën e 1829 letrave të bixhozit. Ai tregon se për një kujtesë të tillë, duhet të ushtrohesh.

“Duhet të stërvitesh në mënyrë konstante, nuk është një dhunti natyrore. Është e nevojshme të njohësh teknikat antike të kujtesës”, ka thënë 20 vjecari, që tani përgatitet për sfidën e vitit 2020, në Dubai.

©Copyright Gazeta SHQIP

Për t'u bërë pjesë e grupit mjafton të klikoni: Join Group dhe kërkesa do t'ju aprovohet.
Komuniteti Gazeta Shqip: https://www.facebook.com/groups/gazetashqip/





LEXO MË TEJ:


Më të lexuarat

Comments are closed.