Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kryesoret

Detaje/ E plagosën në derë të shtëpisë dhe i rrëmbyen të vëllanë. Si ndodhi atentati ndaj dy vëllezërve në Tepelenë

Detaje të reja janë mësuar në lidhje me atentatin e ndodhur ndaj dy vëllezërve në Tepelenë, ku njëri prej tyre mbeti i vdekur.

Burime për Dosja.al bëjnë me dije se atentatorët fillimisht kanë qëlluar me armë zjarri Artan Breshën pranë banesës së tij, ndërsa të vëllanë Arturon e kanë rrëmbyer dhe e kanë marrë me vete.

Pak minura pas ngjarjes Arturi është gjetur i pajetë pranë vendit ku punonte si roje, në By Passin e Tepelenës. Nuk dihet ende nëse viktimën e kanë vrarë rrugës dhe më pas e kanë hedhur aty të pajetë, apo e kanë nxjerrë nga makina dhe më pas e kanë vrarë.

Fatmirësisht Artani ka mbijetuar dhe është dërguar për në spitalin “Omer Nishani”, ku po merr ndihmën e nevojshme mjekësore, pavarësisht se mësohet se ndodhet në gjendje të rëndë.

Ngjarja e rëndë ka ndodhur mbrëmjen e sotme dhe ka tronditur të gjithë qytetin e Tepelenës. Ende nuk dihen shkaqet e ngjarjes së ndodhur apo detaje në lidhje me atentatorët. Ndërkaq mësohet se viktima punonte si roje në një kompani inertesh.

Denonco

Keni informacion në interes të publikut? Dërgojeni në Shqip duke klikuar këtu.

 

Biznes

Ndiqni të gjitha lajmet e fundit
në rrjetet tona shoqërore