Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kryesoret

Vijon fshesa/ Vettingu "i pret kokën" gjyqtarit dhe prokurorit, konfirmohet....

Një gjyqtar në Durrës dhe një prokuror në Lezhë janë shkarkuar sot nga organet e vettingut, ndërsa është konfirmuar në detyrë një prokuror i Apelit në Vlorë.

Komisioni i Pavarur i Kualifikimit vendosi të shkarkojë sot nga detyra gjyqtarin e Apelit të Durrësit, Arben Vrioni. Vrioni u shkarkua nga detyra për shkak të problemeve të theksuara me pasurinë.

Komisioni i Pavarur i Kualifikimit vendosi shkarkimin nga detyra edhe të prokurorit të Lezhës, Simon Pashuku. Mësohet se KPK vuri në dukje disa probleme të pasurisë gjatë seancës dëgjimore.

Simon Pashuku e filloi karrierën si oficer i Policisë Gjyqësore në vitin 1999. Ai u emërua prokuror në vitin 2012 dhe përgjatë 5 viteve e ushtroi funksionin në Prokurorinë e Kukësit. Në vitin 2017, Pashuku u emërua në Prokurorinë e Lezhës.

Komisioni i Pavarur i Kualifikimit konfirmoi në detyrë prokurorin e Apelit në Vlorë, Kleanth Zekën.

Kleanth Zeka e ka nisur karrierën si oficer i policisë gjyqësore dhe më pas është emëruar si prokuror në Vlorë. Në qershor 2014 ai është promovuar në detyrë si prokuror i Apelit të Vlorës, detyrë të cilën e ushtron edhe aktualisht.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore