Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kryesoret

Skandal në Maldive; Ish shefi i diplomacisë akuzohet se mori 2 milionë dollarë për njohjen e Kosovës!

Çështja e Kosovës është në zanafillën e një skandali në Ishujt Maldive, vend ky që pavarësinë e shtetit më të ri në Europë e njohu në shkurt të 2009-tës, gati një vit pas shpalljes së saj.

Sipas mediave kosovare, ish-ministri i Jashtëm i Maldiveve, Ahmet Shaheed akuzohet se mori 2 milionë dollarë për njohjen e pavarësisë së Kosovës.

Ato citojnë shtypin lokal të raportojë se sot është paraqitur një mocion, i cili i bën thirrje parlamentit të këtij shteti që hetimit t’i shkohet deri në fund. Mocionin e ka paraqitur deputeti vendas, Mohamet Nasheed.

Gjithnjë sipas asaj që raportohet në shtypin atje, policia nuk ka arritur të gjente prova se ish-ministri i Jashtëm ka marrë një shumë të tillë për ta njohur Kosovën. Mocioni thuhet se citon edhe deklaratat e ministrit të Jashtëm të Kosovës, Behgjet Pacolli, ku ai pranon siç thuhet, se ka shpenzuar para për lobim në të mirë të rritjes së numrit të vendeve që e kanë njohur Kosovën.

Sipas mocionit, fakti që për këtë çështje nuk është kryer hetim i plotë, duhet të rikthehet në vëmendje të parlamentit të Maldiveve dhe qytetarëve të këtij vendi.

Madje kërkesat e parashtruara aty shkojnë edhe më tej me pretendimin që të rishikohet vendimi për njohjen e Kosovës, e të shihet nëse një veprim i tillë është ndërmarrë në përputhje me standardet ndërkombëtare.

Denonco

Keni informacion në interes të publikut? Dërgojeni në Shqip duke klikuar këtu.

 

Biznes

Ndiqni të gjitha lajmet e fundit
në rrjetet tona shoqërore