Aksidenti i rëndë, ushtarët i shpëtojnë jetën shoferit (Fotot)

Pjesëtarët e Forcës së Sigurisë së Kosovës ia kanë shpëtuar jetën një qytetari, makina e të cilit kishte dalë nga rruga.

“Sot, rreth orës gjashtë e dyzetë minuta, në rrugën Gjakovë –Prishtinë, përkatësisht në fshatin Planqor, ka ndodhur një aksident i rëndë trafiku, ku falë ndërhyrjes të shpejtë të pjesëtarëve të FSK-së arrihet të shpëtohet jeta e qytetarit të rënë në një humnerë përskaj rrugës”, thuhet në një njoftim nga Ministria e Mbrojtjes.

Sipas njoftimit nderhyrja shpejtë i pjesëtarëve të FSK-së, duke i dhënë ndihmën e parë, ka ndikuar të kthehet në jetë qytetari i aksidentuar, i cili më pas me ndihmë të shpejtë është dërguar në spitalin rajonal të Gjakovës.

“FSK-ja me përkushtim dhe profesionalizëm janë gjithmonë të gatshëm t’u dalin në ndihmë qytetarëve të vendit, jo vetëm kur ata e kërkojnë, por edhe në raste të tilla”, thuhet në njoftim.