Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kryesoret

Zgjedhja e Kryeprokurorit/ Kandidatët nuk ankimojnë, Kuvendi ka një muaj kohë

E Hënë 18 Nëntor 2019, 18:05 Gazeta Shqip

Katër ditë pas prezantimit të platformave për kryeprokuror nga Olsian Çela, Arta Marku e Fatjona Memcaj, asnjë ankimim nuk është dorëzuar në Gjykatën e Apelit Administrativ për sa i përket renditjes apo kundërshtive të tjera.

Edhe pse vendimet e KLP janë marrë vetëm sot nga kandidatët me pikët përkatëse, ende nuk ka të dhëna që ndonjë prej tyre të ankimojë. Lista pritet të dërgohet të mërkurën në Parlament, ku më pas duhet që brenda 1 muaji të zgjedhë kryeprokurorin e ri me mandat 7 vjeçar.

Një ditë pas intervistimit, Këshilli i Lartë i Prokurorisë bëri publik edhe listën e pikëzimit të kandidatëve për Prokuror të Përgjithshëm, ku i  pari në listë u rendit prokurori Olsian Çela, ndjekur nga kryeprokurorja aktuale me mandat të përkohshëm Arta Marku dhe prokurorja Fatjona Memçaj. Konkretisht Olsian Çela u vlerësuar me 459 pikë, Arta Marku 406 pikë dhe Fatjona Memçaj 362 pikë.

Denonco

Keni informacion në interes të publikut? Dërgojeni në Shqip duke klikuar këtu.

 

Biznes

Ndiqni të gjitha lajmet e fundit
në rrjetet tona shoqërore