“Bild” zbulon trajnerin e ri të Bayern-it

Arsene Wenger do të jetë trajneri i ri i Bayernit të Mynihut. Kështu raporton prestigjiozja gjermane Bild, që e bën thuajse të sigurt këtë lëvizje, e cila pritet të zyrtarizohet në ditët në vijim.

70-vjeçari francez aktualisht është duke punuar në Katar, në kanalin TV beIN Sports, si ekspert i Ligës së Kampionëve.

“Me shumë mundësi, ai pati paraqitjen e tij të fundit atje. Wenger tani është më i preferuari në postin stërvitës në Bayern”, shkruan “Bild”.

Pas takimit shumë të rëndësishëm të kësaj fundjave mes Bayernit dhe Borussias së Dortmundit, Wenger do të takohet me drejtuesit bavarezë për të ndarë pikëpamjet për mënyrën sesi duhet të funksionojë skuadra. Sipas të gjitha gjasave, trajner francez me shumë eksperiencë, do të firmosë me kampionët në fuqi të Bundesligës. /supersport

©Copyright Gazeta SHQIP

Për t'u bërë pjesë e grupit mjafton të klikoni: Join Group dhe kërkesa do t'ju aprovohet.
Komuniteti Gazeta Shqip: https://www.facebook.com/groups/gazetashqip/





LEXO MË TEJ:


Më të lexuarat

Comments are closed, but trackbacks and pingbacks are open.