Çfarë i tha Palmer?/ Vuçiç pas takimit: Për 2-3 muaj nis dialogu

I dërguari i posaçëm i Departamentit amerikan të Shtetit për Ballkanin Perëndimor, Matthew Palmer, u takua në Beograd me presidentin serb Aleksandar Vuçiç me të cilin diskutuan mbi situatën politike në vend e në rajon. Vuçiç u shpreh i kënaqur nga takimi me zyrtarin e lartë amerikan, por nuk zbuloi shumë detaje rreth asaj çfarë u bisedua mes tyre.

Megjithatë, disa raporte në media tregojnë se kreu I shtetit serb ka pohuar në vazhdën e këtij takimit, se brenda dy apo tre muajsh do të mund të krijohen kushtet për vazhdimin e dialogut zyrtar mes Beogradit dhe Prishtinës. Vuçiç ka lënë të kuptohet se pikëpamjet e SHBA-së dhe të Serbisë janë të ndryshme në lidhje me normalizimin e marrëdhënieve dypalëshe me Kosovën, megjithatë përcolli falenderimin e tij për Palmerin që u tregua i gatshëm të dëgjonte qëndrimin e Beogradit. I dërguari i DASH tha se është e rëndësishme që rezultati i zgjedhjeve në Kosovë të respektohet.

Me këtë rast, ai kujtoi se  subjekti politik Lista Serbe ka marrë mbështetjen e shumicës së serbëve të Kosovës në zgjedhjet e 6 tetorit dhe kështu ka fituar të drejtën për t’u përfaqësuar në Qeverinë e Kosovës. “Unë mendoj se në Kosovë ka vend për shumë zëra të ndryshëm që duhen dëgjuar, por është gjithashtu e rëndësishme të respektohen rezultatet e zgjedhjeve”, tha Palmer.

 

©Copyright Gazeta SHQIP

Për t'u bërë pjesë e grupit mjafton të klikoni: Join Group dhe kërkesa do t'ju aprovohet.
Komuniteti Gazeta Shqip: https://www.facebook.com/groups/gazetashqip/





LEXO MË TEJ:


Më të lexuarat

Comments are closed.