Makina e parë elektrike “Made in Kosova”

Pesë të rinj nga Gjakova të mbështetur nga Fondacioni ‘Bonevet’ dhe disa donatorë të tjerë, arritën pas dy vjetëve pune ta ndërtojnë një makinë elektrike. Ata shpresojnë se projekti i tyre i quajtur “Electric Buggy”, (Makinë Elektrike) do të zgjerohet në të ardhmen me qëllim të mbrojtjes së ambientit. Makina është shumë e lehtë dhe nuk bën zhurmë.

Të rinjtë pohuan për Radion Europa e Lirë, se kanë në plan të ndërtojnë disa të tilla dhe në bashkëpunim me komunën e Gjakovës, ta mbyllin Carshinë e vjetër për makinat me benzinë dhe naftë, ndotja e të cilave është e madhe, dhe aty të përdoren vetëm makinat elektrike.

Ata duan që kjo zonë tregtare, e cila është praktikisht zemra ekonomike e Gjakovës, të mbrohet nga ndotja e zhurmat. Projekti nisi në vitin 2017 dhe përfundoi brenda dy vjetësh.

Në nisjen e tij, ata ishin 16 dhe 17 vjec. Të rinjtë mblodhën pjesët e një makine të vjetër , ndërsa baterinë e motorin e blenë jashtë Kosovës. Ata thonë se dizajni për makinat e tjera do të jetë më ndryshe, duke ardhur me sa duket në përmirësim.

©Copyright Gazeta SHQIP

Për t'u bërë pjesë e grupit mjafton të klikoni: Join Group dhe kërkesa do t'ju aprovohet.
Komuniteti Gazeta Shqip: https://www.facebook.com/groups/gazetashqip/





LEXO MË TEJ:


Më të lexuarat

Comments are closed.