E lidhin dhe i marrin 100 mijë franga, Policia: Dyshojmë tek dy shqiptarë

Një vjedhje me dhunë ka ndodhur në orët e vona të natës së të dielës në një qytet të Zvicrës, teksa grabitësit dyshohet të kenë qenë dy shqiptarë.

Të paktën ky është raportimi që i bëjnë ngjarjes media dhe policia, referuar po ashtu personit që u bë viktimë e dhunës së dy grabitësve.

Burri nga Zvicra sapo kishte hyrë në banesë në momentin kur e kanë kapur dy persona të maskuar dhe të armatosur.

Ata e kanë futur në banesë zvicerianin dhe e kanë lidhur. Më tutje i kanë marrë nga kasaforta një sasi prej 100 mijë frangash dhe janë zhdukur me shpejtësi. Burri ka arritur të çlirohej disa minuta më pas dhe ka njoftuar policinë.

“Autorët ishin veshur me të zeza dhe kishin folur me njëri-tjetrin shqip”, njoftoi policia kantonale Schwyz, cituar nga mediat vendase.

©Copyright Gazeta SHQIP

Për t'u bërë pjesë e grupit mjafton të klikoni: Join Group dhe kërkesa do t'ju aprovohet.
Komuniteti Gazeta Shqip: https://www.facebook.com/groups/gazetashqip/





LEXO MË TEJ:


Më të lexuarat

Comments are closed.