Sulmuesi “në listën e zezë”, por i përgjigjet me gol në skuadrën e tij

Situatat në ekipin përfaqësues mund të përmbysen shumë dhe shpejt, aq më tepër kur ndryshohen trajner dhe skema loje. Një situatë të tillë po përjeton Myrto Uzuni. Në drejtimin e Cristian Panuccit ishte një titullar fiks, status të cilin e ka humbur tashmë në drejtimin e Edi Rejas. Për dy sfidat e radhës në “Euro2020”, Uzuni nuk bën pjesën në listën kryesore, por qëndron në pritje të një ftesë në minutat e fundit.

Sulmuesi beratas shpreson ende se Reja mund ta grumbullojë. Fundja është rikthyer në formë dhe protagonist për ekipin e tij, Lokomotiva e Zagrebit. Uzuni realizoi një gol shumë të bukur përballë Rijekas, një gol me dedikim për Edi Rejan.

Ndryshe nga Uzuni, Emir Lenjani siguroi një ftesë nga trajneri italian. Mënyra më e mirë për të përshëndetur këtë vendim ishte një gol me kokë në sfidën kundër Luganos. Te Sion, Lenjani është një titullar absolut dhe shpesh ka marrë dhe rolin e “bomberit” por në përfaqësuese ka humbur shumë nga ai shkëlqim i dikurshëm, gjithsesi mbetet një lojtar me shumë potencial.


Një formë të shkëlqyer po kalon dhe Marash Kumbulla. 19-vjeçari ka fituar një vend si titullar te Verona, ndërsa këtë të shtunë realizoi dhe golin e tij të parë në Serie A, një gol me kokë që i hapi rrugë suksesit përballë Sampdorias.

 

 

©Copyright Gazeta SHQIP

Për t'u bërë pjesë e grupit mjafton të klikoni: Join Group dhe kërkesa do t'ju aprovohet.
Komuniteti Gazeta Shqip: https://www.facebook.com/groups/gazetashqip/




LEXO MË TEJ:


Më të lexuarat

Comments are closed, but trackbacks and pingbacks are open.