Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kryesoret

Zgjedhjet në Kosovë/ Ambasada Amerikane: Nuk kemi asnjë preferencë

Ambasada e Shteteve të Bashkuara të Amerikës në Prishtinë, në një komunikatë të lëshuar për medi ka thënë se Qeveria amerikane nuk ka ndonjë preferencë dhe as nuk mbështet ndonjë parti politike apo kandidat për zgjedhjet e parakohshme që do të mbahen më 6 tetor.

Në këtë komunikatë thuhet se SHBA-ja respekton të drejtën dhe përgjegjësinë e atyre që votojnë për të vendosur rreth të ardhmes së tyre. “Qeveria e SHBA-ve nuk parapëlqen dhe nuk mbështetë ndonjë parti politike apo kandidatë në zgjedhjet e kësaj jave. Ne respektojmë të drejtën dhe përgjegjësinë e votuesve të Kosovës që të zgjedhin të ardhmen e tyre”, thuhet në këtë reagim të Ambasadës së Shteteve të Bashkuara të Amerikës në Prishtinë.

Kjo deklaratë e Ambasadës amerikane ka ardhur pasi Partia Demokratike e Kosovës ka deklaruar se njeriu i presidentit të SHBA-së, Donald Trump, ka ardhur në Kosovë për të mbështetur Kadri Veselin në fushatë.

Bëhet fjalë për Matthew Whitaker, një prej njerëzve më të afërt të Donald Trumpit, për të cilin partia e Veselit ka deklaruar se ka ardhur për t’i mbështetur.

 

Denonco

Keni informacion në interes të publikut? Dërgojeni në Shqip duke klikuar këtu.

 

Biznes

Ndiqni të gjitha lajmet e fundit
në rrjetet tona shoqërore