Shifrat e vettingut në një vit, 97 gjykatës e prokurorë “lamtumirë” Drejtësi!

Nga një shkurti i vitit 2018 e deri më sot, 186 gjyqtarë e prokurorë kanë kaluar në sitën e vettingut. Komiteti Shqiptar i Helsinkit ka publikuar gjetjet për procesin e vettingut nga momenti që ai ka filluar; dhe sipas monitorimeve të kryera deri tani janë shkarkuar 60 gjyqtarë e prokurorë, 37 të tjerë kanë dhënë dorëheqjen ose kanë dalë në pension, ndërkohë që Komisioni i  Pavarur i Kualifikimit ka konfirmuar në detyrë 76 gjyqtarë e prokurorë.

Nga monitorimet e Komitetit  Shqiptar të Helsinkit, numri më i madh i shkarkimeve nga detyra vjen për shkak se gjyqtarët e prokurorët kanë probleme me më shumë se një kriter, 37 janë shkarkuar për këtë; më pas kriteri i pasurisë është ai që ka djegur më shumë magjistratë pasi 22 nuk e kanë kaluar vettingun pasi nuk justifikonin pasurinë dhe vetëm një magjistrat është penalizuar sepse ka pasur probleme me pastërtinë e figurës.

Shkalla e dytë e vettingut, Kolegji i Posaçëm i apelimit ka shqyrtuar gjithsej 31 dosje. Nga këto në 18 raste, KPA ka lënë në fuqi vendimet e Komisionit të Pavarur të Kualifikimit, në 9 raste është ndryshuar vendimi i shkallës së parë të vetiingut, është pushuar shqyrtimi në 3 raste, dhe në një rast është prishur vendimi.


©Copyright Gazeta SHQIP

©Copyright Gazeta SHQIP

Për t'u bërë pjesë e grupit mjafton të klikoni: Join Group dhe kërkesa do t'ju aprovohet.
Komuniteti Gazeta Shqip: https://www.facebook.com/groups/gazetashqip/




LEXO MË TEJ:


Më të lexuarat

Comments are closed.