Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kryesoret

Çfarë pune bën AMA, nëse nuk mbyll asnjë nga kabllorët piratë?!

E Mërkurë 11 Shtator 2019, 17:56 Gazeta Shqip

Prej vitesh operatorët kabllorë e kanë kthyer paligjshmërinë në biznesin e tyre më të suksesshëm. Edhe pse masat janë shtuar, nuk ka ende një mbyllje përfundimtare të tyre, përkundrazi vazhdojnë t?u shesin qytetarëve programe të vjedhura, pa u shqetësuar nga askush.

"Erseka Sat" është njëri prej këtyre operatorëve, i cili vepron në zonën e Kolonjës dhe ofron listën e kanaleve të "Digitalb" edhe pse nuk ka një kontratë me platformën, ndërkohë që përveç të tjerash ofron edhe kanalet e paketës "Supersport".

Qytetarët paguajnë për këto kanale të vjedhura 600-800 lekë në muaj, ndërkohë që tashmë Digitalb do të sjellë një ofertë të re në këtë qytet. Përveç familjeve edhe në lokalet e qytetit mund të shihen lirshëm "Top Channel", "Top Neës", por edhe ndeshjet sportive, të cilat transmetohen në fundjavë, ndërkohë që do të duhet reagimi i instancave për të ndalur këtë pirateri.

Operatori kabllor "Erseka Sat" ka një zyrë në qendër të këtij qyteti. Pikërisht këtu vijnë qytetarët për të bërë abonimin mujor të cilin e paguajnë 700 lekë. Edhe pse për momentin këtu nuk ndodhet askush kjo zyrë është funksionale ndërkohë që piraton të gjitha kanalet e Digitalb duke ua shitur ato padrejtësisht qytetarëve.

Por, për këta kabllorë edhe Top Story ka zbuluar me dhjetra raste në Lushnje, Selenicë, Elbasan, Vlorë ka pasur operatorë që shisnin kanalet e Digitalb, pa u hyrë "gjemb në këmbë".

Madje, drejtorë burgjesh dhe zyrtarë të ndryshëm, ishin disa nga pronarët e këtyre kabllorëve. Gazetarit të Top Story-t, i është dashur vetëm 5 ditë kontrolle në disa qytete, dhe fare kollaj  ka zbuluar 10 operatorë kabllorë të cilët vidhnin sinjalin televiziv.

Ndërkohë, institucioni që duhet t?i evidentonte këta piratë televiziv, AMA, nuk e ka bërë një gjë të tillë.

Madje, edhe kur u zbuluan nga Top Story, ky institucion u mjaftua me një reagim, se të gjitha paligjshmëritë janë në proces verifikimi.

©Copyright Gazeta SHQIP

https://www.youtube.com/watch?v=lcoEZcqXuls

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore