“Ata dy gangot i neveris, spanjolli turist kurrë mos…”, Shpëtim Gjika në krah të Kokëdhimës 

Ish-kryebashkiaku i Vlorës, Shpëtim Gjika, ka bërë një koment pas publikimit të videos, ku shfaqej pronari i lokalit në Porto Palermo, Mihal Kokëdhima, mbi kofanon e makinës ku ndodheshin turistët spanjollë.

Gjika shkruan se “Mihali u shpërfytyrua, ose e detyruan të shfaqej i shpërfytyruar, ashtu i pataksur mbi makinën që drejtonin dy gangsterë çuditërisht aq gjakftohtë, për të cilët nuk e di pse jam shumë i bindur që janë ideatorët dhe aktorët e asaj që ndodhi”.

“E dënoj si fenomen rastin e djeshëm, por njerëzisht nuk e pushkatoj dot Mihalin! Ata dy gangot cinikë dhe gjakftohtë në furgon i neveris! Ai spanjoll turisti, kurrë mos ardhtë se do durojmë edhe për eurot e tij”, shkruan Gjika.



Postimi i plotë:

Kundër rrymës për Mihalin!

Jemi mësuar për fat të keq ti linçojmë publikisht njerëzit, mjafton të hedhë gurin i pari, dhe o burra kush të godasë më fort, mundësisht nga ato goditjet e ulëta nën brez, pa pyetur apo u informuar se për çfarë arsyeje Mihali u shpërfytyrua,ose e detyruan të shfaqej i shpërfytyruar, ashtu i pataksur mbi makinën që drejtonin dy gangsterë çuditërisht aq gjakftohtë, për të cilët nuk e di pse jam shumë i bindur që janë ideatorët dhe aktorët e asaj që ndodhi!

Mihali që kërkon hakun e tij, edhe pse forma si e kërkon nuk është normale, e bëmë kriminel, monstër, hijenë, kanibal e nuk di c’tjetër damkë i vunë, ndërkohë që pronarë, të cilët me kobure në brez e trasta me hashash të presin e sajdisin me “kulturë” dhe ne i promovojmë, edhe pse buka e tyre është harram! E denoj si fenomen rastin e djeshëm, por njerëzisht nuk e pushkatoj dot Mihalin! Ata dy gangot cinikë dhe gjakftohtë në furgon i neveris!

Ai spanjoll turisti, kurrë mos ardhtë se do durojmë edhe për eurot e tij! Kaq!


Comments are closed.