“Na vaftë mbarë…”, Ardit Gjebrea zbulon partneren e re për “Këngën Magjike”

“Kënga Magjike” është kthyer prej vitesh në një traditë artistike në gamën e aktiviteve të rëndësishme që zhvillohen në vend dhe çdo vit këngëtarët shqiptarë bashkë me prurjet e tyre artistike ngjiten në skenën e Pallatit të Kongreseve për të prezantuar hitet e rej. Ky do të jetë edicioni i 21-të dhe pritet të vijë me risi. Një nga detajet e para që është zbuluar dhe që gjithmonë ndryshon është prezantuesja që shoqëron Ardit Gjebrean.

Ajo është modelja e njohur Adrola Dushi, e cila prej disa vitesh e ka zhvendosur karrierën e saj dhe jetën e saj në Shtetet e Bashkuara të Amerikës, ku edhe ka jetësuar disa kontrata të rëndësishme me agjenci të njohura modelingu.

Arditi shkruan në foto: “U kry! Na vaftë mbarë Adrola Dushi”! Nga ana tjetër, modelja e njohur ka preferuar të reagojë përmes një postimi. “Emocionet thyejnë ligjet e modestisë dhe pa dashje realiteti i ngjan një ëndrre! Faleminderit”!