Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Sport

Vetëm 9 ditë në detyrë, jep dorëheqjen si trajner i Flamurtarit

Ka qëndruar vetëm 9 ditë në krye të skuadrës së Flamurtarit si trajner. Këtë të mërkurë, Gerd Haxhiu së bashku me drejtorin sportiv Artim Pollozhani kanë dhënë dorëheqjen nga drejtimi i klubit. As Flamurtari as vetë Haxhiu nuk kanë reaguar publikisht në lidhje me këtë situatë, por mësohet se ish-futbollisti i njohur i ekipit vlonjat, ka dhënë dorëheqjen pasi plani i tij nuk përputhej me atë të drejtuesve të skuadrës.

Ndonëse Flamurtari ka bërë disa afrime në merkato, skuadra nuk ka planifikuar të zhvillojë fazë përgatitore në pritje të nisjes së kampionatit. Gjithçka ka ardhur për shkak të financave dhe vështirësive që ka klubi, që ka trashëguar borxhe nga sezoni i kaluar.

Ky shkak mësohet të ketë detyruar Haxhiun dhe ish-futbollistin e sezonit të shkuar, Artim Pollozhani, që të japin dorëheqjen dhe të largohen nga drejtimi i skuadrës, vetëm 9 ditë pasi morën detyrën. Pas largimit të Gerd Haxhiut mbetet për t`u parë se kush do të jetë trajneri i ri që do të marrë drejtimin e skuadrës vlonjate për sezonin e ri të Superligës.

Denonco

Keni informacion në interes të publikut? Dërgojeni në Shqip duke klikuar këtu.

 

Biznes

Ndiqni të gjitha lajmet e fundit
në rrjetet tona shoqërore