PD i ‘ha kokën’ Valdrin Pjetrit, Rama dorëzon kryebashkiakun e sapozgjedhur: Vëllai im të jetë…

Partia Demokratike ka shënuar fitoren e parë. Kryeministri Edi Rama ka reaguar pas publikimit të një dokumenti nga PD ku thuhej se Valdrin Pjetri, kryebashkiaku i zgjedhur i PS për Shkodrën, rezulton i dënuar dhe i dëbuar nga Italia për trafik droge.

Kreu i qeverisë, përmes një statusi në twitter, thotë se rrugët e PS dhe kryebashkiakut të zgjedhur janë të ndara, duke konfirmuar kështu dorëzimin e tij, derisa të zbardhet e vërteta.

“Jo Valdrini,  po vëllai im të jetë, s’ka shans të hedhë asnjë hije dyshimi mbi PS dhe mbi mua, në raport me ligjin e me besnikërinë ndaj popullit! Përgjegjësia për çdo akt individual të padenjë është individuale.Përgjegjësia jonë është si reagojmë ndaj një akti të padenjë individual!

I edukuar, i zoti, i respektuar familjarisht në Shkodër e kudo ka punuar, po kjo s’mjafton më! Kurrë s’kam menduar se Valdrini mund të fshehë të vërtetën në raport me ligjin, po deri kur e vërteta ligjore të dalë, Valdrin Pjetri dhe Partia Socialiste i kanë rrugët e ndara plotësisht.

E me këtë rast, të tërë ta fusin mirë në kokë:Unë s’kam ndërmend të toleroj askënd dhe as të marr përsipër raportin individual me ligjin të askujt!Shkoj në luftë për çdo ide,qëllim a shok armësh,po kosto veprimesh individuale të dyshuara si ky,as marr më,as lejoj më t’i marrë PS!”, shkruan Rama në twitter.

Gazeta SHQIP

©Copyright Gazeta SHQIP

Për t'u bërë pjesë e grupit mjafton të klikoni: Join Group dhe kërkesa do t'ju aprovohet.
Komuniteti Gazeta Shqip: https://www.facebook.com/groups/gazetashqip/





LEXO MË TEJ:


Më të lexuarat

Comments are closed.