Europol vjen në Tiranë ‘për të luftuar krimin’, Shqipëria një hap më pranë BE

Hapet zyra e oficerit ndërlidhës të Europol në Shqipëri. Të pranishëm ambasadori i BE, Soreca, drejtori i përgjithshëm Ardi Veliu dhe drejtoresha e EUROPOL

Ambasadori i BE në Shqipëri, Luigi Soreca e quajti bashkëpunimin me EUROPOL një hap drejt BE dhe hapjes së negociatave

“Numri i operacioneve dhe koordinimi i Shqipërisë me EUROPOLIN janë rritur, Ato kanë sjellë rezultate në rritjen e goditjes së grupeve kriminale. Policia e Shtetit shqiptar është e aftë për t’u angazhuar në shumë operacione policore me partnerët europian. Ky operacion ndihmon edhe në angazhimin e Shqipërisë në fushën e sigurisë por edhe në procesin e hapjes së negociatave me BE. Unë jam shumë krenar që po e shoh një gjë të tillë në Shqipëri dhe jam më shumë i bindur se puna e EUROPOL do jetë shumë e mirë në bashkëpunimin me policinë shqiptare. Ne do të ndihmojmë Shqipërinë për të pasur më shumë rezultat. Edhe mbështetja në aspektin teknologjik është mjaft e rëndësishme për të çuar në një tjetër nivel bashkëpunimin dhe sigurinë në vend. Rezultatet kanë qenë pozitive në ruajtjen e kufijve dhe parandalimin e emigracionit të paligjshëm. E gjitha kjo tregon se BE është duke aplikuar strategjinë e vet në Ballkanin Perëndimor”, deklaroi Soreca.



Më tej, kryepolici Veliu renditi disa nga operacionet kryesore të Europol, në të cilat ka marrë pjesë edhe policia shqiptare.

“Gjatë 2018, nga Europol janë zhvilluar 8 operacione, ndërsa gjatë këtij muaji janë zhvilluar 3 operacione ndërkombëtare të rëndësishme, ku ishte pjesëmarrëse edhe Policia e Shtetit. Operacioni për ilaçet e falsifikuara, operacioni për trafikimin e produkteve ushqimore të falsifikuara dhe operacioni për goditjen e grupit kriminal që kishte kontrabanduar, shitur e shpërndarë drogë në SHBA. Shqipëria bën pjesë në 11 projekte analitike të Europol.

Në të ardhmen do jemi pjesëmarrës në operacione të tjera. Të gjitha këto tregojnë angazhimin dhe seriozitet e policisë në luftën kundër krimit brenda dhe jashtë vendit”, shtoi drejtori i Përgjithshëm i Policisë së Shtetit.

©Copyright Gazeta SHQIP

Për t'u bërë pjesë e grupit mjafton të klikoni: Join Group dhe kërkesa do t'ju aprovohet.
Komuniteti Gazeta Shqip: https://www.facebook.com/groups/gazetashqip/




LEXO MË TEJ:


Më të lexuarat

Comments are closed.