Tym e flakë në Bashkinë e Durrësit, zbulohet shkaku i ngjarjes (Video & Foto)

Mbrëmjen e sotme, godina e Bashkisë së Durrësit është përfshirë nga flakët.

Zjarri ra në katin e parë të ndërtesës, nga ky nisën të dalin re të zeza tymi dhe në vendngjarje mbërriti menjëherë policia dhe zjarrfikësja.

Pas vendosjes nën kontroll të situatës, është sqaruar se shkak për ngjarjen është bërë një kabull i vjetër elektrik në bodrumin e godinës së bashkisë, që ka plasur duke mbushur me tym të gjitha ambientet e bodrumit  dhe katit të parë.

Në këtë kat ndodhet edhe sektori i të ardhurave nga taksat dhe tarifat vendore, si dhe sektori i gjendjes civile.

Burime nga Bashkia e Durrësit thonë se nuk ka dëmtime të dokumentacioneve.

Zjarrfikësit kanë bërë ventilim të ambienteve të bodrumit e katit të parë që janë bllokuar nga tymi.