Banda e Alban Jahos/ Nga “Maçoku” e deri tek Berisha, si po e shantazhojnë DIGITALB

Kompania DIGITALB është vënë në një sulm të paprecedentë nga ish drejtues të saj, të cilët kanë shpërdoruar qindra milionë lekë.

E gjithë historia, nis kur në 24 Janar 2019, shkarkohet si Administrator, Alban Jaho, për shkelje të rënda financiare ndaj kompanisë DIGITALB.  “Zoti Alban Jaho detyrohet që brenda ditës së sotme, t’ia dorëzojë nëpërmjet një procesverbali ambientet dhe mjetet e punës, si dhe të gjithë dokumentacionin shkresor dhe elektronik të administrimit të veprimtarisë së shoqërisë znj. Vjollca Hoxha dhe z. Arben Taipi”, thuhet në vendimin e DIGITALB.



Por që në momentin e shkarkimit, Jaho ka kryer manovra të ndryshe për të mos iu bindur urdhërit të Shoqërisë Aksionere DIGITALB. Ai ka qëndruar për disa orë brenda ambjenteve të DIGITALB, duke refuzuar të dalë nga kjo godinë. Madje, në një moment, shoferi i Alban Jahos, Dritan Xhixha, i njohur me pseudonimin “Maçoku”, ka kërcënuar punonjës të DIGITALB. Për këtë ka patur një kallëzim penal ndaj shtetasit Xhixha, në Komisariatin Nr. 6 në Tiranë.

Vijojmë me të tjera shantazhe.

“Maçoku” i Alban Jahos, kërcënon sërish në 14 qershor 2019, juristin e kompanisë DIGITALB, me incialet R.L. Ngjarja ka ndodhur rreth orës 11:30, pas mbarimit të një procesi gjyqësor ndaj Alban Jahos. Theksojmë këtu, se DIGITALB sëfundmi e ka paditur Jahon me objekt “Shpërblimin e dëmit”  me vlerë qindra mijëra dollarë, të krijuar përgjatë kohës që ai ka qënë Administrator në këtë kompani.

Pas seancës gjyqësore, juristi R.L është ndalur në rrugë, në afërsi të Gjykatës Civile në Tiranë, nga shtetasi Dritan Xhixha, ose siç njihet ndryshe “Maçoku”. Sipas procesverbalit në Polici, “Maçoku” e ka kërcënuar juristin e DIGITALB, duke i kërkuar që të hiqte dorë nga procesi gjyqësor, ku i paditur është Alban Jaho. Sot, çështja është referuar në Prokurori  për veprën penale të “Kanosje”, gjatë ushtrimit të detyrës nga juristi R.L.

Ndërkohë, shantazhi më i fundit ishte me Drejtorin e Top Channel, z. Ben Blushi, në një lokal në qendër të Tiranës. Sërish sipas dëshimeve në polici, shtetasi Alban Jaho është afruar tek tavolina e z. Blushi dhe ka tentuar të krijojë një incident. Shtetasi Jaho pretendonte se ishte shkarkuar si Administrator i DIGITALB, nga z. Blushi dhe për këtë ka ushtruar presion dhe shantazh ndaj Drejtorit të Përgjithshëm të Top Channel.

Sipas pamjeve filmike të administruara nga Prokuroria e Tiranës, nuk ka patur në asnjë moment as goditje dhe as konflikt fizik, por vetëm debat verbal, në formën e kërcënimit.

I fundit në si kryeshantazhues, është ish Kryeministri Sali Berisha, i cili kohët e fundit është futur si pykë në një konflikt të brendshëm të një kompanie private. Kujtojmë këtu, se Alban Jaho përfaqësohet në gjyq nga Neshat Fana, avokati që ka mbrojtur familjen Berisha në të gjitha proceset gjyqësore nga vetë ish-kryeministri e deri tek familjarët e tij.

Berisha ka dalë në mbrojtje të hapur me Alban Jahon, pa dhënë një shpjegim të arsyeshëm se përse futet në problemet e DIGITALB. Këtë mbështetje, shpesh e përforcon Çim Peka, i cili prej disa kohësh i shmanget gjyqit për shpifje, që Top Channel ka depozituar ndaj tij.

Gazeta SHQIP

©Copyright Gazeta SHQIP




LEXO MË TEJ:

Comments are closed.