Arratisja spektakolare nga burgu, kush është shqiptari që alarmoi Italinë

Pas disa ditësh në kërkim, policia italiane ka mundur të arrestojë shqiptarin Lekë Luca i cili të hënën ( 24 qershor) u arratis nga burgu i Trapanit në Siçili.

32-vjeçari Luca u arrestua ndërsa po ecte në këmbë në krah të linjës hekurudhore Trapani-Palermo.



Për disa ditë ai kishte qëndruar i fshehur në zonat pyjore mes qytezave Dettilo e Paceco.

Në momentin e arrestimit ka tentuar të largohet, por është bllokuar nga forcat e rendit.

Lekë Luca është dënuar deri më 2022 nga drejtësia italiane me akuzën e trafikut të drogës. Është hera e dytë që ai arratiset nga burgu.

Dy vite më parë së bashku me një shqiptar tjetër u arratis nga burgu i Civitavehias.

Autoritetet italiane po hetojnë nëse në arratisjen e tij kanë ndihmuar dhe bashkëpunëtorë të tjerë.

©Copyright Gazeta SHQIP

Për t'u bërë pjesë e grupit mjafton të klikoni: Join Group dhe kërkesa do t'ju aprovohet.
Komuniteti Gazeta Shqip: https://www.facebook.com/groups/gazetashqip/





LEXO MË TEJ:


Më të lexuarat

Comments are closed.