Edgar Snow, një gazetar në qendër të revolucionit komunist kinez

Edgar P. Snow (17 korrik 1905 ne Kansas City, Missouri – 15 shkurt 1972 ne Geneva) është gazetar amerikan I njohur për librat dhe artikujt mbi revolucionin komunist kinez. Ai është gazetari I parë perëndimor I cili intervistoi liderin komunist Mao. Një nga librat e tij më të famshëm është “Një yll I kuq mbi Kinën” (1937), një libër ku përshkruhet lëvizja komuniste kineze nga themelimi I saj deri në fund të viteve 1930-të. Snow studioi gazetari në Universitetin e Missourit por shumë shpejt do të transferohej për në Nju Jork para diplomimit. Gjatë kësaj periudhe ai bëri para duke luajtur në tregun e aksioneve dhe I shiti ato para se të binte Wall Street më 1929. Duke dashur ti përdorë paratë ai u angazhua në një turne botëror në vitin 1928 dhe qëndroi në Kinë deri në vitin 1941. Shumë shpejt ai gjeti punë në një gazetë javore kineze e quajtur “China weekly Reviw” e cila drejtohej nga J. B. Powell, shoku I tij I diplomuar në të njëjtin Universitet Gazetarie si Snow. Në vitet e hershme të tij ai kishte qenë entuziast për Chiang Kai, duke thënë se ai kishte më shumë të diplomuar nga Harvardi në kabinetin e tij se Roosvelti.

Në vitin 1932 ai u martua me Helen Foster, e cila në atë kohë punonte në konsullatën amerikane dhe shumë shpejt do ta linte këtë punë për të nisur punën si gazetare. Pas muajit të mjaltit në Japoni çifti u zhvendos për në Beiping. Në këtë kohë ai përgatit librin “Fronti I lindjes së largët”, ku paraqet artikuj të asaj periudhe. Përmes kontakteve me rrjetin nëndheshëm komunist çifti u ftua për të vizituar selinë e Mao Zedongut. Në qershor të vitit 1936 Snow dhe miku I tij Xhorxh Hatem , prezenca e të cilit u mbajt sekret shkoi karantinën ushtarake Bao’an ku kaluan 3 muaj. Snow ishte duke u përgatitur të shkruante një libër mbi lëvizjen komuniste kineze dhe deri në atë periudhe kishte realizuar intervista me krerët më të lartë të partisë komuniste. Librin e ardhshëm “Një yll I kuq mbi Kinën”, ai nisi ta publikonte fillimisht në gazetë.

Libri u botua së pari në Londër më vitin 1937 dhe ishte një mënyrë që perëndimi të njihte Kinën. Për herë të dytë Snow e vizitoi Maon në vitin 1939. Snow dhe gruaja e tij u kthyen në SHBA më vitin 1941 por u divorcuan pas luftës . Më 1942 Saturday Evening Post e dërgoi atë si korrespodent lufte. Ai udhëtoi në Indi, Kinë, Rusi për të raportuar mbi luftën e dytë botërore… Raportet e tij mbi luftën shpesh herë kanë sjellë reagime të ashpra . Në vitin 1960 ai u kthye në Kinë dhe më 1964 ai intervistoi Mao-Cedunin dhe Zhou Enlai. Në librin “Anët e tjera të një lumi” ai e quan krizën kineze të viteve 1959-1061 si një krizë që erdhi nga uria. Në 1970 ai bëri udhëtimin e tij të fundit në Kinë, ku iu tha se presidenti Richard Nixon ishte I mirëpritur në Kinë si president apo si qytetar normal.



Shtëpia e Bardhë e ndoqi me interes këtë vizitë pasi e besonte Snowin dhe reputacionin e tij pro komunist. Kur Snow u diagnostikua më kancer në pankreas , Zhou Enlai dërgoi një ekip kinez në Zvicër ku ai po kurohej përfshirë ketu dhe Xhorxh Hatem. Snow vdiq pikërisht në javën kur presidenti Nixon ishte duke udhëtuar për në Kinë dhe nuk mundi të shihte normalizimin e marrëdhënieve mes dy vendeve. Hiri I trupit të tij u nda në dy pjesë. Një pjesë u hodh në afërsi të lumit Hudson dhe tjetra në Universitetin e Pekinit ku ai kishte studiuar më 1930-tën.

 

©Copyright Gazeta SHQIP

Për t'u bërë pjesë e grupit mjafton të klikoni: Join Group dhe kërkesa do t'ju aprovohet.
Komuniteti Gazeta Shqip: https://www.facebook.com/groups/gazetashqip/





LEXO MË TEJ:


Më të lexuarat

Comments are closed.