Alarm/ Britania pushtohet nga grenzat aziatike që vrasin me 1 pickim (Foto)

Alarmi ka shpërthyer në Britaninë e Madhe, pasi janë konstatuar mbi 80 fole të grenzave aziatike, të cilat me vetëm një pickim kanë aftësi të marrin jetë njerëzish.

Insektet, të cilat mund të rriten deri në gjatësi 1.6 inç kanë pickim vdekjeprurës që mund të jetë fatale për njerëzit, veçanërisht nëse personi që e pëson është alergjik.

Sipas mediave britanike, numër rekord folesh është gjetur në Jersey. Lufta me këto grenza është në vazhdim e sipër në Channel Island dhe shihet si një vend i rëndësishëm për të ndaluar përhapjen.





Gjithashtu këto grenza mund të hanë deri në 50 bletë në ditë dhe ndikimi i tyre në prodhimin e mjaltit mund të jetë shkatërrimtar për Britaninë e Madhe.

Grenzat aziatike – që emrin latin e kanë “Vespa velutina” – janë përhapur me shpejtësi në të gjithë Francën që nga ardhja e parë në Evropë nëpërmjet një dërgese me bimë nga Kina në 2004.

Numri i foleve të gjetura në ishull është në rritje nga viti në vit, me 17 të gjetura në vitin 2017 dhe 55 të gjetura në vitin 2018. Ekspertët kanë frikë se mund të ketë deri në 150 këtë vit dhe thonë nëse ky numër kalohet atëherë beteja do të jetë e humbur.







Comments are closed.