Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

PS feston 28 vjetorin me Çuçin dhe Kumbaron, Përmetin e "mbyt" tymi kancerogjen

E Diel 16 Qershor 2019, 16:15 Gazeta Shqip

Socialistët e Përmetit festuan dje 28 vjetorin e themelimit të partisë. Në eventin e organizuar me këtë rast ishin të pranishëm edhe ministri Bledi Çuçi e deputetja Mirela Kumbaro. Por teksa zhvillohej aktiviteti festiv në një restorant në periferi të Përmetit, ndodhi diçka e pazakontë. Në një fushë tej restorantit nisën të digjen pirgjet me plehra. Shtullungat e tymit kancerogjen po përhapeshin me shpejtësi sipër qytetit. Kjo nuk kaloi pa vëmendjen e folësve në event, pasi Mirela Kumbaro fajësoi kryebashkiakun Niko Shupuli.

"Përmeti që ne duam nuk ka si të jetë Përmeti ku kryetari i bashkisë djeg plehrat. Pikërisht sot. Dhe e bënë tymin e zi, ashtu siç janë ata vetë. Ndërkohë në Përmet sot ka plot turistë. Por cili është ai kryetar bashkie që pengon turistët të sjellin të ardhura, që shpenzojnë para në Përmet. Si mund të jetë i tillë një kryetar bashkie? Megjithatë neve nuk na bën gjë tymi, as tymi i plehrave as tymi i molotovit. Ne do t?i japim Përmetit një kryebashkiake tjetër në 30 qershor", tha Mirela Kumbaro.

Ministri Bledi Çuçi theksoi se do të ketë ndëshkim me burg sipas Kodit Penal për këdo që cënon procesin zgjedhor.

"Nëse do tentojnë të minojnë procesin zgjedhor me çfarëdo lloj mënyre, me kërkesa, me tym pa tym, i pret vetëm burgu, vetëm ndëshkimi penal sipas ligjeve në Shqipëri. Në këto ditë që na kanë mbetur të gjithë duhet të flasin me njerëzit e tyre për rëndësinë e këtyre zgjedhjeve dhe të mos mashtrohen nga propaganda e opozitës që thotë se nuk do të ketë zgjedhje në 30 qershor", tha Çuçi.

Shihni më poshtë pamjet e tymit kancerogjen që përhapet në të gjithë qytetin. Ne e kemi denoncuar këtë masakër mjedisore tre muaj më parë, por fakti që vazhdon do të thotë se nuk është marrë asnjë masë nga Inspektoriati i Mjedisit në Gjirokastër apo institucionet e tjera të varësisë.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore