Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Sport

Refuzoi të merrte përsipër ndeshjen kundër Kosovës, Mali i Zi shkarkon trajnerin serb

Ashtu siç pritej, Ljubisha Tumbakoviç nuk do të jetë më trajner i përfaqësueses së Malit të Zi. Vendimi është bërë publik nga Federata Malazeze e Futbollit e cila reagoi pas incidenteve që shkaktuan kaos para ndeshjes së djeshme përballë Kosovës.

Tekniku serb, bashkë me ndihmësin e tij të parë dhe dy futbollistë me origjinë serbe, refuzuan të luajnë kundër Kosovës, pasi nuk përballuan dot presionin e bërë nga qarqet e ultrasve serbë, në ditët para këtij takimi.

E ndërkohë që për trajnerin erdhi vendimi final, nuk dihet ende se cili do të jetë fati i futbollistëve të Crvena Zvezdës, Mirko Ivaniç dhe Filip Stojkoviç, për të cilët flitet se pritet të përjashtohen përgjithmonë nga përfaqësuesja malazeze.

Mali i zi u drejtua mbrëmë nga dy ndihmësit malazezë të Tumbakoviç dhe arriti të marrë një barazim 1-1 përballë Kosovës, në një sfidë ku “Dardanët” ishin dukshëm superiorë, por shpërdoruan shumë përpara portës vendase.

Denonco

Keni informacion në interes të publikut? Dërgojeni në Shqip duke klikuar këtu.

 

Biznes

Ndiqni të gjitha lajmet e fundit
në rrjetet tona shoqërore