E frikshme! Një dragua shfaqet mbi stadium në Korenë e Jugut (VIDEO)

Spektakli është kthyer në pjesë të jetës. Në rast se nuk ka pabesueshmëri, surpriza, por sidomos momente të jashtëzakonshme, atëherë monotonia është ajo që na “mbyt”.

Për këtë arsye, teknologjia sa vjen dhe zhvillohet për të na treguar edhe më shumë rrugë për t’u argëtuar.

Në Korenë e Jugut, siç duket, e kanë kapur mesazhin me kohë, aq sa në stadiumin e bejzbollit “Around” në Seul, në SK Wyverns Home Opener, përpara startit të ndeshjes, një dragua i madh ka fluturuar mbi kokën e tifozëve dhe më pas në qendër të fushës ka ndërtuar folenë e tij duke u zhdukur më pas mes zjarrit.

E gjitha, një 3D me holografik, një teknologji e përdorur si gjatë zgjedhjeve presidenciale në SHBA, ashtu edhe gjatë Botërorit në Rusi 2018, ku Eden Hazard u intervistua nga dhomat e zhveshjes dhe u shfaq në studio në Bruksel.





Comments are closed.