Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kryesoret

"Bomba" e Artan Hoxhës: Kam "Dosjen 978", ku Meta kërkoi 200 mijë euro në zgjedhjet e 2009

Gazetari investigativ Artan Hoxha, i ftuar në emisionin Opinion, shpërtheu në akuza të rënda ndaj Presidentit të Republikës, Ilir Meta, kur ky i fundit drejtonte LSI-në gjatë zgjedhjeve të 2009.

Sipas Hoxhës, përgjimet kishin nisur ndaj një biznesmeni të rëndësishëm në vitin 2008, i cili kishte pastruar rreth 7 milion euro. Dy ditë përpara zgjedhjeve të 2009, sipas Hoxhës, ky biznesmen ishte kontaktuar nga Ilir Meta, i cili i kishte kërkuar 200 mijë euro.

"Dosja 978" kishte mbi 8 mijë faqe me përgjime që nisnin që në vitin 2008, ku ishin të përfshirë gazetarë, botues mediash, politikanë dhe biznesmenë. Ka patur madje plane sesi do të vinin lekë nga Afrika dhe do të pastroheshin në Shqipëri. Biznesmeni i përgjuar është kontaktuar nga Ilir Meta dy ditë përpara zgjedhjeve të vitit 2009, dhe i ka kërkuar plot 200 mijë euro" - denoncoi Artan Hoxha në Opinion.

Ndërkohë, gazetari Hoxha deklaroi se përgjimet janë asgjesuar në datë 27.10.2010, me vendim të gjykatës.

"Materialet duheshin asgjesuar, por mesa duket kjo nuk ka ndodhur. Në vitin 2016, unë nxorra pjesë të dosjes që ende nuk është fshirë. Dosja nuk është fshirë sepse unë e kam këtu." - u shpreh më tej, Artan Hoxha.

Gazeta SHQIP

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore