Rotacion 2-mujor/ I çoi Valdrinin për t’i rrëmbyer “bashkinë” PD, Rama i rikthen ish-prefektin milioner Shkodrës

Vetëm dy muaj ka zgjatur rokada e socialistëve në Prefekturën e Shkodrës.

Pasi u dërgoi me si prefekt të ri Valdrin Pjetrin, por me mision të fshehtë “rrëmbimin” e zemrës së shkodranëve dhe përgatitjen e terrenit për t’i fituar bashkinë Voltanës më 30 qershor, Edi Rama e ka zëvendësuar sërish Prefektin e ri, me të vjetrin.

Në VKM-në e ditës së sotme, që përcakton lirimin nga detyra të Pjetrit për t’i hapur rrugën në garën për Bashkinë e Shkodrës, thuhet gjithashtu se ai do të zëvendësohet në detyrë nga paraardhësi i tij, Çesk Millja.

Ky i fundit është një nga zyrtarët më të pasur të PS-së vendore, sipas një përllogaritje që “Open Spending Albania” i ka bërë pasurisë së tij në 2018-ën.