“Mafia shqiptare kontrollon Roterdamin”, gazetari hollandez: Shqiptarët s’janë më të rrezikshmit!

Sipas artikullit të gazetës holandeze NRC, shqiptarët menaxhojnë linjat e drogës nga Amerika e Jugut drejt Holandës dhe Belgjikës: “Ata shesin kokainë që vjen përmes portit të Rotterdamit dhe në Antuerp për të transportuar më pas në Amsterdam, që konsiderohet qendra e shpërndarjes sipas autoriteteve”.

Pikërisht në këtë qytet, në redaksinë e Het Parool, gazetës gati 80 vjeçare që në shqip përkthehet motoja apo fjalëkalimi. Paul Vugt na tregon artikujt e tij të mëparshëm mbi grupet kriminale shqiptare që veprojnë në Holandë.

Vugt, gazetar i kronikës prej më shumë se 20 vitesh, mendon se shqiptarët të cilët prej disa vitesh kanë qenë aktivë në sektorin e prostitucionit, tashmë kanë rritur ndikimin e tyre në trafikun e kokainës, por kurrsesi nuk mund të konsiderohen si grupi më i madh në këtë drejtim.

“Grupet shqiptare nuk janë dhe aq të mëdhenj, por po rriten në Amsterdam. Ky është rreziku. Shumica e trafikut të kokainës është në duart e grupeve holandeze me origjinë marokene Të cilët i kanë gjyshërit nga Maroku. Ata kanë kontrollin më të madh tani dhe krijojnë problemet më të mëdha. Për shkak të vrasjeve, vrasin njëri-tjetrin. Këtu, në Amsterdam. Ka pasur vrasje mes njëri-tjetrit. Ideja është që shqiptarët e shohin si një mundësi të mirë. Sepse grupet e tjera janë në tension të lartë me policinë, për shkak të vrasjeve. Mendoj se janë një nga faktorët kryesorë por nuk janë të parët”, tha Paul Vugt.









Comments are closed, but trackbacks and pingbacks are open.