“Ushtria do blindojë Shkodrën si Rinasi”, çfarë po planifikon ministria e Brendshme?

Për ministrin e Brendshëm, Sandër Lleshaj situata e krimit në vend vërtetë është e rëndë, por referuar historikut të numrit të vrasjeve, veçanërisht në qarkun e Shkodrës, situata është e përmirësuar.

“Është një situatë e rëndë, e vështirë, që nuk pranohet. por nëse shohim historinë, është shumë herë më mirë se sa ka qenë. Jemi në një pikë pozitive historie, krahasuar me historinë kur në Shkodër kemi pasur 18-19 vrasje në një vit. Dhe këta që sot kanë vënë kujën janë përgjegjës për këtë situatë”, tha Lleshaj i ftuar në “Repolitix”.

I pyetur nëse edhe në Shkodër, ashtu siç u bë kur u cënua siguria në aeroport, të përfshihet ushtria, ministri u përgjigj: “Nuk është e nevojshme futja e policisë. Dhe po të duam nuk kemi aq shumë polici ushtarake që të dublojë policinë”.

Lleshaj u shpreh “besimplotë se se situata do të njohë përmirësim në qytetet ky volumi i kriminalitetit është më i lartë. Shkodra, Elbasani, Vlora, Tirana, Durrësi, për shkak edhe me nivelin e përgjithshëm të zhvillimit dhe të popullsisë”.









Comments are closed.