Rudina Hajdari u përgjigjet kritikëve: PD shkriu veten, nuk ika nga partia

Rudina Hajdari ka reaguar lidhur me pretendimet se ka krijuar grup parlamentar në shkelje të rregullores se Kuvendit. Hajdari shkruan në Facebook se grupi parlamentar demokrat është krijuar në përputhje të plotë me Rregulloren e Kuvendit, ligjet në fuqi dhe Kushtetutën e Shqipërisë.

Gjithashtu Hajdari thekson se si ajo ashtu dhe deputeti Myslim Murrizi nuk janë larguar nga grupi parlamentar i PD-së.

“Partia Demokratike me vendimin për ‘dorëzimin në bllok të mandateve’ vendosi njëkohësisht të ndërpresë përfaqësimin në Kuvend dhe të shkrijë Grupin Parlamentar të PD. “Neni 15, pika e Rregullores së Kuvendit të Shqipërisë përcakton se:”2. Për krijimin e një grupi parlamentar kërkohet një minimum prej 7 deputetësh. Çdo deputet mund të jetë anëtar vetëm i një grupi parlamentar. Një deputet që largohet nga grupi parlamentar, mund t’i bashkohet një grupi tjetër parlamentar vetëm pas gjashtë muajve nga data e largimit”, shkruan ajo.

Ndaj, shton Hajdari, “nuk jemi në kushtet e largimit nga Grupi Parlamentar i PD (dhe nuk është i vlefshëm kushti i afatit 6 mujor) por në rrethanat e gjendjes së faktit ku deputetët e Kuvendit në bazë përkatësisë partiake apo të orientimit politik në përputhje me Rregulloren vendosin për krijimin e Grupit Parlamentar”.

Grupi Parlamentar Demokratik, vijon deputetja Hajdari, është krijuar mbi bazën e orientimit politik të djathtë me qëllim:

1.Zgjidhjen e krizës politike përmes Reformimit të sistemit zgjedhor (politik).

2.Përfaqësimin e vërtetë dhe me integritet të Demokratëve dhe oponencës qytetare në Kuvend.

3.Misionin për Integrimin e Shqipërisë në Bashkimin Evropian.









Comments are closed.