Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Biznes

Rinasi/ Konflikti i ashpër mes qeverisë dhe kompanisë: Koncesionari të kthejë fitimet e tepërta

Përplasja për cenimi i sigurisë në aeroportin e Rinasit nuk është konflikti i vetëm që qeveria ka me kompaninë koncesionare Tirana International airport. Paralelisht mes palëve ka shpërthyer edhe një konflikt i ashpër financiar, që lidhet me rezultatet e auditimit të koncesionit.

Në kontratën koncesionare është parashikuar një nen i cili i jep të drejtën si qeverisë ashtu dhe kompanisë private, të kërkojnë kompesim nëse njëra nga palët fiton më shumë nga skenari bazë i koncesionit. Duke shfrytëzuar këtë hapësirë, vitin e kaluar qeveria pajtoi një kompani të pavarur financiare për parë nëse TIA kishte fituar më shumë para nga sa ishte parashikuar në skenarin fillestar sipas kontratës së lidhur në vitin 2004.

Raporti I përpiluar nga audituesi BDO, gjeti se në 15 vitet e koncesionit, pra në periudhën 2004-2018 kompania koncesionare e aeroportit ka fituar 84 milionë euro më shumë nga sa ishte parashikuar në skenarin fillestar.

Pas gjetjeve të raportit, qeveria ka nisur negociatat për të kërkuar kompensim ekonomik nga TIA. Qeveria pretendon se koncesionari duhet të kompensojë fitimet e tepërta që ka realizuar ose duke ulur çmimin e biletave ose duke I derdhur ato në buxhet, pasi sipas saj kjo është e parashikuar në buxhet, por palët nuk kanë arritur të gjejnë një marrëveshje.

Pas grabitjes me armë të avionit në ambientet e aeroportit, konflikti mes qeverisë dhe koncesionarit është thelluar edhe më shumë. Ministrja e infrastrukturës Belinda Balluku deklaroi se nga tani qeveria nuk do të negociojë me drejtuesit lokalë të TIA-s, por do të kërkojë kontakte me drejtuesit qendrorë të kompanisë që zotëron koncesionin, një kompani ofshore nga Singapori me emrin REAL FORTRESS PRIVATE LIMITED.

T.CH

Denonco

Keni informacion në interes të publikut? Dërgojeni në Shqip duke klikuar këtu.

 

Biznes

Ndiqni të gjitha lajmet e fundit
në rrjetet tona shoqërore